بحبك يا امي ياست الحبايب

[color=brown]




بسم الله الرحمن الرحيم

بحبك يا ماما
قالولى الناس أكتب عن الأم حاجة فى عيدها
وأعيادنا أحنا معروفة فى إسلامنا فطر وأضحى
وقولتلهم ميصحش أكتب عن الأم حاجة
دى الأم تستاهل مليون حاجة وحاجة
وأمى أنا تستاهل من كل حاجة مليون حاجة
دى أمى غالية عليا ومن غيرها أنا ولا حاجة
خايف أكتب معرفش أوفى حقها
ومهما أكتب مش هوفى برده حقها
ده حقها غالى عليا زى وطنى وأكتر
ماما هيا أمى ومصر هيا أم الدنيا
وفى حضن أمى أنا أرتويت الحنان
وفى حضن وطنى أنا أرتويت الأمان
وخوفى لسه جوايا قاتل كل أفكارى
حروفى بتروح منى والنقط بتقع منى
والكلمة اللى جوايا ومش هتقدر تهرب منى
بحبك
بحبك يا ماما
وأنا أهو سمعت الكلام وكتبت عن الأم حاجة
والأجمل لو نكتب لأمهاتنا كل حاجة جوانا
فى كل ليلة بتمر علينا وهيا معانا
ولو الأم عيدها فى ليلة نبقا بأيدينا ظلمناها
دى الأم غالية وعيدها كل يوم مش يوم
وعيب علينا نفتكر أمهاتنا فى ليلة واحدة
ونقدم ليها هدية واحدة وهيا تستاهل حياتنا
وقبلاتي لكل أم ولأمي أقدم حياتي علي طبق من ذهب







[/color]