ياعمري الدنيا ماتسوى تنام وخاطرك زعلان
ولا في شي يستاهل يخلي قلبك يعاني
طلبتك إن كان لي خاطر تبعد عنك الأحزان
فديت عيونك الحلوى تبسم لو على شاني
حبيبي صارلي مده أشوفك تايه وحيران
وأنا والله إذا شفتك حزين تزود أحزاني
آنا احبك ولا ودي تعيش بدنيتك ندمان
ترى الأيام محسوبه وتالي هالعمر فاني
تصدق بسمتك والله تفرح خاطري الولهان
يطير من الفرح قلبي واصير بعالمن ثاني
آنا إن شفتك بضيقه أحس إني أنا الغلطان
آعاتب نفسي بنفسي ولو ماكنت أنا الجاني
غلاك بداخل عروقي ولا يوصل غلاك إنسان
يمر الوقت ويثبتلك غلاك إن الله أحياني
آضحي بعمري لعيونك تنام انته وأنا سهران
ونادي جروحك لقلبي تجي واحد ورا الثاني
">
موضوع: ياعمري الدنيا ماتسوى تنام وخاطرك زعلان 
الأربعاء ديسمبر 07, 2011 5:14 am
